Inqilaabkii dhicisoobey ee Turkiga ka dhacay Soomaalida waa ku kala aragti duwanayd.

Tixdan ayay isdhaafsadeen maammulada tamarta daran ee Soomaaliya ka jira waa lixda maammul goboleed.

Somaliland baa bilowdey waxay tiri:
Tagoogo hadduu ka jabo
Afgembi lagu tuuro oo
Erdogan laga takhlusoo
Dawladda taarkeedu go'o
Cadowga aan uba tudhayn
Yuhuudi hadday tagtoo
Giriigguba taabo subax
Maxaa naga galay turkiga
Horuu noogu tacaddiyoo
Aqoonsigii naga tiroo
Midnimo baas nagu toloo
Tabcuu Somaliland
Tagoog jabe abid la rabey
Muqdishuu toobtoobayaaye
Maxaa naga galay Turkiga
Puntland baa iyana tiri:
Annagu tabantaabo iyo
Tixgelin kama aannu helin
Mashruucyadii tira badnaa
Muqdishuu ku teedayoo
Wixii maal tuunsanaa
Wuxuu tacab keenay Xamar
Tifiliq yari nooma iman
Takoor Puntland ayuu
Tagoog jabe abid la rabey
Turkigu waxba nooma qaban
Tol maahee boowayaal
Tabaaladan soo wajahay
Marnaba haw tiirinina
Wanaag nama tarin waqii
Jawaan nama taarannine
Muqdishaa iyana tiri:
Ar Turkigii yaa la galay
Abowgeennaa la togay
Soommaali walaal tunwayn
Ayay tebeysaa mar dhow
Haddii cadow taabsadee
Inqilaab loo tashaday
Maxan u tarnaa turkiga
Wuxuu taray Sommaalida
Innagaa iska tuuqsannee
Digfeer tacabkii ku baxay
Yahooy tamar kalama harin
Magaca Erdogan tanaad
Barwaaqaan ka toobinnee
Dekedduu noo taagay iyo
Elaboorka taakuladii iyo
Abaar tabantaabadintii
Turkigu waa noo guntadee
Allow garabkiisa tiir
Jubbaland aya tiri:
Ka dawlad ahaan turkiga
Ka madaxweyne talada guud
Waxan tahanbaabayaa
Isleeyahay waa ta'wiil
Taariikh baan leennahoo
Inkastoo wuxu na taray
Caasimadda loogu tegin
Dhibaato tahluukisiyo
Tagoogo hadduu ka jabo
Muslinka waw taws horliyo
Tiiraanyo kaloo ka daran
Tii Siiriya lagu turqoo
Liibiya lagu haan togoo
Yamani ay la tasawdayoo
Muslinkaa cadowgu tashaday
Tabaalo kaloo kordhee
Turkiga magacii ha jiro
Baydhabo ayaa tiri:
Ariiroow maxaa turkigu
Unnaka tacab noogu yimi
Intuu Xamar taartaybaa
Itoobiya noo tartee
Haddaan belo taaban Addis
Annagu waan toosannee
Talyaani hadduu qabsado
Giriig Istanbuul tirtiro
Yuhuudduna taabto qayb
Maxaa naga galay turkiga
Tiiraanyo fadee iskii
Amxaaradu waa tolkeen
Galmudug baa iyana tiri:
Turkigu waa waalaladeen
Lacagtuu noo tuumiyaa
Galmudug aan ku taabnayoo
Turkigu haddaanu jirin
Tommootaa noqon lahayn
Ahlusunnaa taabi layd
Horaa loogu tegi lahaa
Ilmahan aan tuuminnee
Taakuladuu noo hayee
Ku taagnaye dawladnimo
Turkiga magacii ha jiro
By Maxmamud A. Cabdalle

Comments

Post a Comment

Popular posts from this blog

Cali Samatar

Image
03/28/2011 “Soomaaliyoo dawladoo qaranku saan qaaday Oo salab dirays ciidanloo nabad ku saacaysa Cali Samatar Calankuu u siday sarow kaceediiye,” Maxamuud Axmed Cabdalla (shiine) Gabaygan wuxuu soo baxay taariikhda kor ku xusan. Gabaygan CALI SAMATAR CALANKUU U SIDEY…waxa tiriyey  Maxamuud Axmed Cabdalla (AL-MAKHIRI). Mudane Cali Samatar oo maanta ah nin da’weyn, waddanka Soomaaliyana ka soo qabtay xilal sare oo wax ku ool ah. Sidaa uguma sii dheeraanayno taariikhda Maxamed Cali Samatar, waxan idiin soo gudbinaynaa gabaygii akhiris iyo dhegeysiba. Waa mahadsan tihiin. HALKAN KA DHEGEYSO GABAYGA: Wuxu yiri: Adduunyadan siyaadada waqtigan sebenka aan joogno Nimba siduu arkuu uga hadlaa saxal wareeggeede Sannahaaban Eebbow xumaan laga salgaadhayne Saqda dhexe maraan xalay hurdada sabarka hayn waayey OO aan sabansabdheeyoo qalbigu sawlax ledi waayey Sifaalooyin ii muuqdaybaa ila silloonaaye Soomaaliyoo dawladoo qaranku saan qaaday Oo salab dirays ciidanlo...
Read more

Gabay Godobtii Baarliin By Abwaan Maxamuud Cabdalle

Image
  Hordhac: Gabayga Godobtii Baarliin iyo Gogol-Xaadh waxa tiriyey  Abwaan  Maxamuud  Axmed  Cabdalle (Abwaan Shiine). Wuxu ku saabsan yahay, hadimadii gumaystayaasha reer Yurub ka galeen dadka Soomaaliyeed Shirkii Baarliin 1884-kii ka qabsoomay, kaa soo geyiga Soomaaliyeed loogu kala qaybiyey 5 qaybood: Italian Somaliland, British Somaliland, NFD, Ogaden, Djibouti, iyo weliba Jasiiradda Socotra oo 80km dhul-weynaha Soomaaliya ka durugsan, xeeblayda Soomaaliyeedna manaafacaadsan jireen qarniyo badan. Gabaygu wuxu ka hadlayaa sida, gumeystayaashii, ka sokow kala qaybinta dalkeenna, ayni qaybihii ka xoroobey, helin xornimo taam ah, ee weli hagardaamadii oo si kale loo dhigay weli socoto–Afrika guud ahaanna gumaystayaashii iyagoo qaabkii gumeysiga beddeley, kursiga dal walba gadaal ka fadhiyaan. Wuxu gabaygu ka hadlayaa sida gobannimo doonkii Soomaaliya isu soo dabayaaley, haddana markii dambe labadii qaybood: waqooyi iyo koonfur ee July 01, 1960 ku midoobey Jamhuur...
Read more

Gabaygan waa gabaygii Xaalad By Abwaan Maxamuud Cabdalle

Image
  Xada gabayga waa inaan xardhaa sida xadiiskiiye Xaqa waa inaan daalacshaa xaakim saan ahaye Xurmo aan caddaaladi lahayn xeerka laga waaye Xogta maanta iga dhuuxa  gabay  xaramka suugaanta Oo hayga xaasidin tixdaan Xaalad ugu yeedhay Soomaali waa wada xero iyo xaabo wada taale Xumaanteedu waxay muuqataa hoos xafiiltamide Shisheeyuhu kolkuu kala xidhee xoon ku kala ooday Xayawaan geddiisay cuntaa xaynta ubadkiiye Xawaaray ku socotaa fidnadu Xamar ilaa Shiikhe Ha yeeshee waxaan xaydayaa xiidka igu yeedhshey Xanta Sooshal Miidhiyaha taal oo xakaarka ahe Xaqiraha iyo Xaqiranaha ku xidhan oo xuluushada'e Xuma feydka Soomaalidaa xayada loo diidey Shaydaanku xeedhyaha u dhigay ka xiftay beentiisa Xadhka goyska caar xumihi iyo ceebta xaasibaye Xayl la dirir, xiniinyaha la goo, xuubshey sharaftiisa Xaggii Eebbe ruuxaan deyeyn, cabatin xaaleeya Duul aan xanjeeriba lahayn, oo xabaal nacaye Noloshu u xadhaadhahay walow, Xaakinku irdhaynin Afartaa intaan xa'da ku dhigay, xadhig dhac ...
Read more