Qabyaaladda Gaas la wada arag - Maanso

Bismillah, Beryahan Internet-ka waxa qabsaday qoraallo lagu iftiiminayo heerkulka qabyaaladeed ee Madaxweynaha Puntland, Cabdiweli Gaas. Maansadan baan ku eegaynaa waxa dadku leeyihiin.
Wuxu yiri:
Qabyaaladda Gaas la wada arag
Dadkii eexda qoonsadoo nece
Qorshihii Puntland qardheer saar
Qiyaastuna way ka maqan tahay
Qamuunyada Bari ma qarad la'a
Sanaag qaybteedii may helin
Qaboonaa Sool la iibsadey
Ogow qawlkiisii beenoow
Halkaa faataxo laguma qaban
Qabiix hadal loo yidhaahdiyo
Moogaha qawqawda maqashii
Qisaa ka dambeysey maahmaah
Ku qoodaysto maan qaraar lihi
Qabiilayste aan isqarin karin
Xilkii qaawiyoow qalloocaa
Halkay qotontay u jeeddaa
Waxaan qoynkaa u kaashaday
Afeeftana iga qoraan odhan
Qaraabada eed ma gaadhsiin
Ninkii qurus cunay qudhgooyale
Marbaa loo soo qallidayaa
Qaryaac dooddiisa ma oggoli
Quraacdaha lama akeekamo
Beryaba dhaqankii qunnaan jirey
Xishoodkii miyay ka qaadeen
Sarriigshiinyo miyay ka qadiyeen
Quruumo mamoo qamaam badan
Miyay wax ku qaybsanaayaan
Boolida qolqolkiisa ugu xidhan
Miyuu qalyan iyo xasarad iyo
Weliba qaylada ku sii dari
Kuwii xaqa laga qardoobiyey
Qafaafiil miyay ahaadeen
Qunyar u socod qoofal algu xidhay
Ku quustay wixii qaddar u tegey
Qayaashmaashoow libaaxii
Dhurwaa qaybi yiri hilbaha subax
Ku qoonsaday qaybtii dabadeed
Qallacayoo hoor kasoo qubay
Deyooy yidhi adaa qorshayn kara
Kolkay tidhi qaabbil baan ahay
Waaxyaha qaradii hilbaha iyo
Gadoob tidhi waa qorkaagii
Falladhka qaayiban adayskale
Waxaan qanjidh iyo tun ka ahayn
Intii qubatada caloosha ah
Qayaashmaashoow adayskale
Oo uu qosol waaxay gawsaha
Waxay qisadii ka daba tidhi
Dugaag qaanacaad dardaarana
Qadhwaankii Cali IL qaariyey
Kolkaan deyey qawlallada weyn
Qummaati u shuufey sheekada
Raqdaa qalan qaammudkaa galay
Naftaan uga baqay qudhgooyada
Ee kuwiinneer qarada waaweyn
Haddaad ka qaddeen nasiibkiin
Hunguri qadhqadhaaya waa mawd
Wuxuu qoonsadaa ka sii daran
WT. Maxamuud Cabdalla
Email: mabdalle@gmail.com

Comments

Post a Comment

Popular posts from this blog

Cali Samatar

Image
03/28/2011 “Soomaaliyoo dawladoo qaranku saan qaaday Oo salab dirays ciidanloo nabad ku saacaysa Cali Samatar Calankuu u siday sarow kaceediiye,” Maxamuud Axmed Cabdalla (shiine) Gabaygan wuxuu soo baxay taariikhda kor ku xusan. Gabaygan CALI SAMATAR CALANKUU U SIDEY…waxa tiriyey  Maxamuud Axmed Cabdalla (AL-MAKHIRI). Mudane Cali Samatar oo maanta ah nin da’weyn, waddanka Soomaaliyana ka soo qabtay xilal sare oo wax ku ool ah. Sidaa uguma sii dheeraanayno taariikhda Maxamed Cali Samatar, waxan idiin soo gudbinaynaa gabaygii akhiris iyo dhegeysiba. Waa mahadsan tihiin. HALKAN KA DHEGEYSO GABAYGA: Wuxu yiri: Adduunyadan siyaadada waqtigan sebenka aan joogno Nimba siduu arkuu uga hadlaa saxal wareeggeede Sannahaaban Eebbow xumaan laga salgaadhayne Saqda dhexe maraan xalay hurdada sabarka hayn waayey OO aan sabansabdheeyoo qalbigu sawlax ledi waayey Sifaalooyin ii muuqdaybaa ila silloonaaye Soomaaliyoo dawladoo qaranku saan qaaday Oo salab dirays ciidanlo...
Read more

Gabay Godobtii Baarliin By Abwaan Maxamuud Cabdalle

Image
  Hordhac: Gabayga Godobtii Baarliin iyo Gogol-Xaadh waxa tiriyey  Abwaan  Maxamuud  Axmed  Cabdalle (Abwaan Shiine). Wuxu ku saabsan yahay, hadimadii gumaystayaasha reer Yurub ka galeen dadka Soomaaliyeed Shirkii Baarliin 1884-kii ka qabsoomay, kaa soo geyiga Soomaaliyeed loogu kala qaybiyey 5 qaybood: Italian Somaliland, British Somaliland, NFD, Ogaden, Djibouti, iyo weliba Jasiiradda Socotra oo 80km dhul-weynaha Soomaaliya ka durugsan, xeeblayda Soomaaliyeedna manaafacaadsan jireen qarniyo badan. Gabaygu wuxu ka hadlayaa sida, gumeystayaashii, ka sokow kala qaybinta dalkeenna, ayni qaybihii ka xoroobey, helin xornimo taam ah, ee weli hagardaamadii oo si kale loo dhigay weli socoto–Afrika guud ahaanna gumaystayaashii iyagoo qaabkii gumeysiga beddeley, kursiga dal walba gadaal ka fadhiyaan. Wuxu gabaygu ka hadlayaa sida gobannimo doonkii Soomaaliya isu soo dabayaaley, haddana markii dambe labadii qaybood: waqooyi iyo koonfur ee July 01, 1960 ku midoobey Jamhuur...
Read more

Gabaygan waa gabaygii Xaalad By Abwaan Maxamuud Cabdalle

Image
  Xada gabayga waa inaan xardhaa sida xadiiskiiye Xaqa waa inaan daalacshaa xaakim saan ahaye Xurmo aan caddaaladi lahayn xeerka laga waaye Xogta maanta iga dhuuxa  gabay  xaramka suugaanta Oo hayga xaasidin tixdaan Xaalad ugu yeedhay Soomaali waa wada xero iyo xaabo wada taale Xumaanteedu waxay muuqataa hoos xafiiltamide Shisheeyuhu kolkuu kala xidhee xoon ku kala ooday Xayawaan geddiisay cuntaa xaynta ubadkiiye Xawaaray ku socotaa fidnadu Xamar ilaa Shiikhe Ha yeeshee waxaan xaydayaa xiidka igu yeedhshey Xanta Sooshal Miidhiyaha taal oo xakaarka ahe Xaqiraha iyo Xaqiranaha ku xidhan oo xuluushada'e Xuma feydka Soomaalidaa xayada loo diidey Shaydaanku xeedhyaha u dhigay ka xiftay beentiisa Xadhka goyska caar xumihi iyo ceebta xaasibaye Xayl la dirir, xiniinyaha la goo, xuubshey sharaftiisa Xaggii Eebbe ruuxaan deyeyn, cabatin xaaleeya Duul aan xanjeeriba lahayn, oo xabaal nacaye Noloshu u xadhaadhahay walow, Xaakinku irdhaynin Afartaa intaan xa'da ku dhigay, xadhig dhac ...
Read more