XAD-GUDUB


September 26, 2011
Email: mabdalle@gmail.com
HORDHAC:
Gabaygan XADGUDUB abwaan Maxamuud Axmed Cabdalle (Al-Makhiri) wuxu ka tiriyey xaaladda murugsan ee ka jirta degaammada Puntland, halkaasoo colaad, dil, afduub iyo fidno muddaba ka aloosnayd. Abwaanku waa samadoon, wuxuna ilaahay uga rejeynayaa inuu colaadda ugu bedelo nabad, cudurradana caafimaad, iyo dadkoo isku duubni yeesha qabyaaladdana ka fogaada. Gabaygu wuxu si gaara u tilmaamayaa maaddaaba, maammulkii Puntland u xuub siibtey mid hal reer ku amar ku taaglaynayaan, in markii sidii ay ka fursan weydo la yeelo, oo beeluhu dib isugu tashadaan. waa in beel waliba talo gaarto, ka dibna go’aanka la qaybsato beelaha kale ee ay walaalaha yihiin. Akhris wanaagsan.
Wuxu yidhi:
Warka Maxamedow xaafadaha xulaya oo yaalla
Xogta waxan ku haynaa Puntland xoortay samihiiye
Xadhka furatay goortii qabiil loo xakaabsadaye
Xoorkiyo bahdii waxan ahayn ma xammilaayaane
Xantadana masiiyaan cidaan lagu xigaalayne
Haddii aanay xagan aadamaha ama xajiimaynin
Ama Xabashi loo dhiibinoo xawda laga goynin
Xaashee middaa lagala daal xuubsatada jaane
Wiilyohow xad gudub baa ka jira sida xaqiiqeede
Xeer-beegti loo saarayana xaalku noqon waaye
Xadhkihii ammaankiyo kolkii nabaddii xuurtoowday
Xukunkiina qola-qola noqdoo la isku xayndaabay
Xasuuq maatadii lagula kacay xerana loo ooday
Hadba duul xigaala ah colaad lagu xuluulsiiyey
Halkii xeerku waa joogi jiray sow xal noqon maayo?
Xayaatiyo haddaan loo sinnayn nolosha xaygeeda
Xilka qoys ku wada gaadhan yahay xananka mooyaane
Dekeddii ku xeermeen cid qudhi xila fur ay gaadhay
Wax kastoo xasaanleba haddii xeelad lagu qaatay
Oo ay xiita maandeeq bah qudhi xooxda kaga maasho
Xaruntii dhaqaala leh kolkii loo xidhma xidhmeeyey
Xatooyadii tacliintii Turkigu nagu xannaaneeyey
Waa eexda tii ugu xumayd qaabkii loo xulaye
Xiqdiqii Juxaa uu ku kacay waa xisaab dhimane
Halkii xeerku waa joogi jiray sow xal noqon maayo?
Xabbiskiyo dilkaa joogtadiyo dhiigga xamashleeyey
Xolodkaa fidnida ee dhexyaal wada xigaal miidhan
Masjiddada xinjiro lagu qubay Eebbe xaramkiisa
Argagixisannimo lagu xujayn meeshi la xumaysto
Waa xaal gundheer iyo waxaan xal ugu toosnayne
Xarigii Ilaahay nin jaray xeebashood malehe
Xabiibnimiyo wada dhalasho iyo xaad gobeed malehe
Xabashida rafiiq nimay noqdeen oo xodxodanaaya
Xirfad ay shisheeyuhu wataan xidid ku aaneeya
Xoogaggeer (PIS) calool xaawilka ah xaasha waa ugube
Halkii xeerku waa joogi jiray sow xal noqon maayo?
Qarankii xalaaleed kolkii xididka loo siibay
Xaram dawladnimo laga tegiyo Calan la xaaleeyo
Xamar godobtii tiilliyo wixii xaqa la waydaartay
Xaf-goosiga kuwii doonayee cadowgu xooleeyey
Xarbi inaan la galo waajibbaa igu xadaysnaaye
Xejinteeda gobannimo kolkay xuurtu kici weydey
Xuddun inaan dhisnaa bay ahayd lagu xasuustaaye
Soomaaliya xumaantiyo dhibtii laga xishoon waayey
Xilkasnima darradii ay dhashiyo xulafaday eedday
Xabaashay ku dalam tari hadday tanina xaabayso
Halkii xeerku waa joogi jiray sow xaalku noqon maayo?

Comments

Post a Comment

Popular posts from this blog

Cali Samatar

Image
03/28/2011 “Soomaaliyoo dawladoo qaranku saan qaaday Oo salab dirays ciidanloo nabad ku saacaysa Cali Samatar Calankuu u siday sarow kaceediiye,” Maxamuud Axmed Cabdalla (shiine) Gabaygan wuxuu soo baxay taariikhda kor ku xusan. Gabaygan CALI SAMATAR CALANKUU U SIDEY…waxa tiriyey  Maxamuud Axmed Cabdalla (AL-MAKHIRI). Mudane Cali Samatar oo maanta ah nin da’weyn, waddanka Soomaaliyana ka soo qabtay xilal sare oo wax ku ool ah. Sidaa uguma sii dheeraanayno taariikhda Maxamed Cali Samatar, waxan idiin soo gudbinaynaa gabaygii akhiris iyo dhegeysiba. Waa mahadsan tihiin. HALKAN KA DHEGEYSO GABAYGA: Wuxu yiri: Adduunyadan siyaadada waqtigan sebenka aan joogno Nimba siduu arkuu uga hadlaa saxal wareeggeede Sannahaaban Eebbow xumaan laga salgaadhayne Saqda dhexe maraan xalay hurdada sabarka hayn waayey OO aan sabansabdheeyoo qalbigu sawlax ledi waayey Sifaalooyin ii muuqdaybaa ila silloonaaye Soomaaliyoo dawladoo qaranku saan qaaday Oo salab dirays ciidanlo...
Read more

Gabay Godobtii Baarliin By Abwaan Maxamuud Cabdalle

Image
  Hordhac: Gabayga Godobtii Baarliin iyo Gogol-Xaadh waxa tiriyey  Abwaan  Maxamuud  Axmed  Cabdalle (Abwaan Shiine). Wuxu ku saabsan yahay, hadimadii gumaystayaasha reer Yurub ka galeen dadka Soomaaliyeed Shirkii Baarliin 1884-kii ka qabsoomay, kaa soo geyiga Soomaaliyeed loogu kala qaybiyey 5 qaybood: Italian Somaliland, British Somaliland, NFD, Ogaden, Djibouti, iyo weliba Jasiiradda Socotra oo 80km dhul-weynaha Soomaaliya ka durugsan, xeeblayda Soomaaliyeedna manaafacaadsan jireen qarniyo badan. Gabaygu wuxu ka hadlayaa sida, gumeystayaashii, ka sokow kala qaybinta dalkeenna, ayni qaybihii ka xoroobey, helin xornimo taam ah, ee weli hagardaamadii oo si kale loo dhigay weli socoto–Afrika guud ahaanna gumaystayaashii iyagoo qaabkii gumeysiga beddeley, kursiga dal walba gadaal ka fadhiyaan. Wuxu gabaygu ka hadlayaa sida gobannimo doonkii Soomaaliya isu soo dabayaaley, haddana markii dambe labadii qaybood: waqooyi iyo koonfur ee July 01, 1960 ku midoobey Jamhuur...
Read more

Gabaygan waa gabaygii Xaalad By Abwaan Maxamuud Cabdalle

Image
  Xada gabayga waa inaan xardhaa sida xadiiskiiye Xaqa waa inaan daalacshaa xaakim saan ahaye Xurmo aan caddaaladi lahayn xeerka laga waaye Xogta maanta iga dhuuxa  gabay  xaramka suugaanta Oo hayga xaasidin tixdaan Xaalad ugu yeedhay Soomaali waa wada xero iyo xaabo wada taale Xumaanteedu waxay muuqataa hoos xafiiltamide Shisheeyuhu kolkuu kala xidhee xoon ku kala ooday Xayawaan geddiisay cuntaa xaynta ubadkiiye Xawaaray ku socotaa fidnadu Xamar ilaa Shiikhe Ha yeeshee waxaan xaydayaa xiidka igu yeedhshey Xanta Sooshal Miidhiyaha taal oo xakaarka ahe Xaqiraha iyo Xaqiranaha ku xidhan oo xuluushada'e Xuma feydka Soomaalidaa xayada loo diidey Shaydaanku xeedhyaha u dhigay ka xiftay beentiisa Xadhka goyska caar xumihi iyo ceebta xaasibaye Xayl la dirir, xiniinyaha la goo, xuubshey sharaftiisa Xaggii Eebbe ruuxaan deyeyn, cabatin xaaleeya Duul aan xanjeeriba lahayn, oo xabaal nacaye Noloshu u xadhaadhahay walow, Xaakinku irdhaynin Afartaa intaan xa'da ku dhigay, xadhig dhac ...
Read more