GABAY DIIRATO BY MAXAMUUD CABDALLE



Da'da gabay ma deyn karo nimay boogi damaqdaaye

Dabku kama bakhtiyo meel cadliga daacad loo yahaye

Dibnahaa kolkii aan u furo wayga soo degiye

Sidii Weli u diiraan xaqii dabada haystaaye

Rabboow dacarta goortaan fasaxo derejo ii dhaafi

Kolkay doqoni talisaa nin raga iilka loo diraye

Axmed Daahirkii aan iqiin duni hadduu haysto

Xeer Ilaalin iyo dawladnimo loogu daba joogo

Allaylehe dalkii dalow ka ride dubato mooryaane

Faaraxaan dugsiga wada tagnee abid dammiinkii ah

Wiil-door haddii uu noqday oo derejo weyn haysto

Daabaantii Soomaali waa dayradoo kale'e

Daa'imada Ina Sheekh inuu madax ku daanshoodo

Ciqaab durugtay weeyiyo nabsiga diga roggiisiiye

Soomaalidu dulmigay mudatay iyo dakharradii gaadhey

Dillaal iyo mallalkii dagiyo tuugo dabinleyda

Waa looga sii daray dhibkii daadunshoo rogaye

Afartaa sidii dirir onkodey duni ma saameelay

Sida roob dinnaagale miyaan ugu dinnaahyeeyey

Guuxiyo dabayshii miyay diillintu isgaadhey

Dabuubtayda meeshaan la rabey diirad ma u saaray

Xamar dulinka jiifaa ka daran galiyo daacuune

Dadka kii u liitaa xil qaran lagu damsiiyaaye

Kunkan ay dalliciyeen malaha ruux dareen qaba'e

Damiir iyo xishood waxan lahayn garasho Daayeerle

Doolshaanka caynkiisa iyo sidatan daad xoora

Ayaa lagu dandaanshaa dan qaran door masuulnimo'e

Duq magaalo iyo Janan la odhan daabbad kii wadaye

Dabarkood go'; waa waxan lahayn dun iyo taariikhe

Dersin kama bartaan wixii dumiyo duugankii dhacaye

Garashiyo dadnimo waa ka liid diir naxii nugule

Murtidana Ilaahbay diliye waa daguug madhane

Soomaalay dardaaran u tahee da' uma sheegeene

Afartaa sidii dirir onkodey duni ma saameelay

Sida roob dinnaagale miyaan ugu dinnaahyeeyey

Guuxiyo dabayshii miyay diillintu isgaadhey

Dabuubtayda meeshaan la rabey diirad ma u saaray

Dawlad qaran hadday Xamar jirtoo maammul daadihiyo

Dalka laguma haysteen agoon daaruu leeyahaye

Dumaal laguma boobeen hantiyay dhaxal u deysteene

Dugsi maato dhoobnayd hargalay lagama duubeene

Dadka lagaga badan yahay geyiga lama dullaysteene

Reer Xamar dalkoodii Abgaal kuma dagaajeene

Duq madoobe Boondheere gibir kuma dadduuceene

Damaanyaale beenbeena amar lama dul geeyeene

Degma waliba reer qudha xilkii laguma daaheene

Damiirlaawayaashiyo shuftada daa'in ka irdhoobey

Waa kuwii ka duudsiyey xaqiis Xaashi oo duqahe

Dadku waxay isweydiinayaan daallinnimadoode

Dilka dhiigga lagu ganacsadiyo qaraxa duulaaya

Diiratadan dadkii magan u yahay dooxatiyo tuugta

Dunjigood afduubkiyo Shabaab waysku wada diine

Allahayoow dadqalatadan ka qabo qarankii diifowye

WT: MaxamuudCabdalle


Comments

Post a Comment

Popular posts from this blog

Cali Samatar

Image
03/28/2011 “Soomaaliyoo dawladoo qaranku saan qaaday Oo salab dirays ciidanloo nabad ku saacaysa Cali Samatar Calankuu u siday sarow kaceediiye,” Maxamuud Axmed Cabdalla (shiine) Gabaygan wuxuu soo baxay taariikhda kor ku xusan. Gabaygan CALI SAMATAR CALANKUU U SIDEY…waxa tiriyey  Maxamuud Axmed Cabdalla (AL-MAKHIRI). Mudane Cali Samatar oo maanta ah nin da’weyn, waddanka Soomaaliyana ka soo qabtay xilal sare oo wax ku ool ah. Sidaa uguma sii dheeraanayno taariikhda Maxamed Cali Samatar, waxan idiin soo gudbinaynaa gabaygii akhiris iyo dhegeysiba. Waa mahadsan tihiin. HALKAN KA DHEGEYSO GABAYGA: Wuxu yiri: Adduunyadan siyaadada waqtigan sebenka aan joogno Nimba siduu arkuu uga hadlaa saxal wareeggeede Sannahaaban Eebbow xumaan laga salgaadhayne Saqda dhexe maraan xalay hurdada sabarka hayn waayey OO aan sabansabdheeyoo qalbigu sawlax ledi waayey Sifaalooyin ii muuqdaybaa ila silloonaaye Soomaaliyoo dawladoo qaranku saan qaaday Oo salab dirays ciidanlo...
Read more

Gabay Godobtii Baarliin By Abwaan Maxamuud Cabdalle

Image
  Hordhac: Gabayga Godobtii Baarliin iyo Gogol-Xaadh waxa tiriyey  Abwaan  Maxamuud  Axmed  Cabdalle (Abwaan Shiine). Wuxu ku saabsan yahay, hadimadii gumaystayaasha reer Yurub ka galeen dadka Soomaaliyeed Shirkii Baarliin 1884-kii ka qabsoomay, kaa soo geyiga Soomaaliyeed loogu kala qaybiyey 5 qaybood: Italian Somaliland, British Somaliland, NFD, Ogaden, Djibouti, iyo weliba Jasiiradda Socotra oo 80km dhul-weynaha Soomaaliya ka durugsan, xeeblayda Soomaaliyeedna manaafacaadsan jireen qarniyo badan. Gabaygu wuxu ka hadlayaa sida, gumeystayaashii, ka sokow kala qaybinta dalkeenna, ayni qaybihii ka xoroobey, helin xornimo taam ah, ee weli hagardaamadii oo si kale loo dhigay weli socoto–Afrika guud ahaanna gumaystayaashii iyagoo qaabkii gumeysiga beddeley, kursiga dal walba gadaal ka fadhiyaan. Wuxu gabaygu ka hadlayaa sida gobannimo doonkii Soomaaliya isu soo dabayaaley, haddana markii dambe labadii qaybood: waqooyi iyo koonfur ee July 01, 1960 ku midoobey Jamhuur...
Read more

Gabaygan waa gabaygii Xaalad By Abwaan Maxamuud Cabdalle

Image
  Xada gabayga waa inaan xardhaa sida xadiiskiiye Xaqa waa inaan daalacshaa xaakim saan ahaye Xurmo aan caddaaladi lahayn xeerka laga waaye Xogta maanta iga dhuuxa  gabay  xaramka suugaanta Oo hayga xaasidin tixdaan Xaalad ugu yeedhay Soomaali waa wada xero iyo xaabo wada taale Xumaanteedu waxay muuqataa hoos xafiiltamide Shisheeyuhu kolkuu kala xidhee xoon ku kala ooday Xayawaan geddiisay cuntaa xaynta ubadkiiye Xawaaray ku socotaa fidnadu Xamar ilaa Shiikhe Ha yeeshee waxaan xaydayaa xiidka igu yeedhshey Xanta Sooshal Miidhiyaha taal oo xakaarka ahe Xaqiraha iyo Xaqiranaha ku xidhan oo xuluushada'e Xuma feydka Soomaalidaa xayada loo diidey Shaydaanku xeedhyaha u dhigay ka xiftay beentiisa Xadhka goyska caar xumihi iyo ceebta xaasibaye Xayl la dirir, xiniinyaha la goo, xuubshey sharaftiisa Xaggii Eebbe ruuxaan deyeyn, cabatin xaaleeya Duul aan xanjeeriba lahayn, oo xabaal nacaye Noloshu u xadhaadhahay walow, Xaakinku irdhaynin Afartaa intaan xa'da ku dhigay, xadhig dhac ...
Read more