Gabay Jaalloow Jamaal By Abwaan Maxamuud Cabdalle



Gabaygan wuxu ku socdaa Mudane, Wasiir, Jamaal Maxamed Xasan. Isagaa is fasiraya, waa Maansada ‘Jalloow Jamaal.’


Awel maanso waataan jimbacay jamashadeediiye
Waataan ka jeensadey tixihii jawharta ahaaye
Waataan ka juuq dhigay inaan gabayo jeedshaaye
Maantaba waxbaa igu jirrabay jiinley ii wacaye
Aan jiheeyo meeshaan la rabey jibinta soo daayo

Jaallow Jamaal gacaliyoow jaalkaybaa tahaye
Jirro iyo xumaan kaa nasahan kuu jareexaahe
Waqaa cadowga haw jabin korkaa jaamacaa sudhane

Jugta qaraxa iyo miinadiyo jalfisada duusha
Jarta laysku dilo Xamar, Ilaah kaa jid-bixi goore
Jallaafaynta nacabkiyo shirqool, kuma jiseeyaane
Jarmaadiyo carraababa hortaa, khayrku kula joogye

Warkan iga jibaal baxay bal maqal waa u jibayaaye
Jiiradaa darbaa hore u koray jeedha Maxamuude
Jannaniyo wasiirraba sedbaan jaarrun u lahayne
Jebsintaynu Fadaraal ka nahay, jeeb ma gelin waana

Kuwii horay u joogaan Jamaal, jilif-yar gaadhsiine
Dantooday ka jaaf buuxsadeen tol uma jeellayne
Juhdi geliya maba ay aqoon, jabaddadiinniiye
Adiguna jidkoodii ha marin, jaabi haw dhurane

Afartaa hillaac jararacliyo, jimidh tigaadeed dheh
Onkod jawle, jirarkii gugiyo, joharaddiisii dheh
Nimco jookhan, jamal iyo xareed, jiifta goonyaha dheh
Maansada codkaan jeediyiyo, jabal ka baaqeed dheh
Jawi kalana waa erey yaroon igu jibbaar Guulle

Wax badanbaan jidaal soo ahaa, kuu jalbeeb wacaye
Wax badanbaan siday wax u jiraan, kuu jawaab diraye
Wax badanbaan Jamaalow ku idhi, jeedda iga hooye

Wax badanbaan ku jeedaaliyoo, kuu jimiimicaye
Wax badan baan u soo jeedi idhi, dan iyo jiidjiide
Wax badanbaan jalleecood ku idhi, jiidh xigaalnimo’e

Buntiland, kolkaan joogsadee, jaraha dooyaytey
Xaqay naga janjuunteen kolkaan, jaallow dhici doonay
Colka ila jebaan ina-adeer, jiidh-xul kuu idhiye

Qarankaa la kala jeebayaan, joojiya lahaaye
Jabhadaha mamaan geli lahaa, jeel u goonniya’e
Jaanjaannadii baan lahaa, jabal ka sii xoore

Kuwa juuqda gabay baan lahaa, jaabi ka xoreeye
Argagixiso jaahilaan lahaa, jeedaha u diide
Jilbiskiyo Gungumagaan lahaa, jaa’ifee cadowe

Jidka Laag maraan waxan lahaa, nabad ha jeerteene
Galgala iyo jiqahaan lahaa, guutadii jiriye
Maatada jirraban baan lahaa, soo jibaadh gebiye
Barakaca jid uga yeel lahaa, jiidh sokeeyaahe

Kama jaawin wiilyohow xilkaan, jiir walbow koraye
Jajabkiyo xisaabaha aan qoray, waa jahaas xidhane
Joofeyda nimanbaa sitoo, aanse jilay goyne
Adiguna jidkoodii ha marin, jaabi haw dhuran

WT: Abwaan Maxamuud Axmed Cabdalle

Comments

Post a Comment

Popular posts from this blog

Cali Samatar

Image
03/28/2011 “Soomaaliyoo dawladoo qaranku saan qaaday Oo salab dirays ciidanloo nabad ku saacaysa Cali Samatar Calankuu u siday sarow kaceediiye,” Maxamuud Axmed Cabdalla (shiine) Gabaygan wuxuu soo baxay taariikhda kor ku xusan. Gabaygan CALI SAMATAR CALANKUU U SIDEY…waxa tiriyey  Maxamuud Axmed Cabdalla (AL-MAKHIRI). Mudane Cali Samatar oo maanta ah nin da’weyn, waddanka Soomaaliyana ka soo qabtay xilal sare oo wax ku ool ah. Sidaa uguma sii dheeraanayno taariikhda Maxamed Cali Samatar, waxan idiin soo gudbinaynaa gabaygii akhiris iyo dhegeysiba. Waa mahadsan tihiin. HALKAN KA DHEGEYSO GABAYGA: Wuxu yiri: Adduunyadan siyaadada waqtigan sebenka aan joogno Nimba siduu arkuu uga hadlaa saxal wareeggeede Sannahaaban Eebbow xumaan laga salgaadhayne Saqda dhexe maraan xalay hurdada sabarka hayn waayey OO aan sabansabdheeyoo qalbigu sawlax ledi waayey Sifaalooyin ii muuqdaybaa ila silloonaaye Soomaaliyoo dawladoo qaranku saan qaaday Oo salab dirays ciidanlo...
Read more

Gabay Godobtii Baarliin By Abwaan Maxamuud Cabdalle

Image
  Hordhac: Gabayga Godobtii Baarliin iyo Gogol-Xaadh waxa tiriyey  Abwaan  Maxamuud  Axmed  Cabdalle (Abwaan Shiine). Wuxu ku saabsan yahay, hadimadii gumaystayaasha reer Yurub ka galeen dadka Soomaaliyeed Shirkii Baarliin 1884-kii ka qabsoomay, kaa soo geyiga Soomaaliyeed loogu kala qaybiyey 5 qaybood: Italian Somaliland, British Somaliland, NFD, Ogaden, Djibouti, iyo weliba Jasiiradda Socotra oo 80km dhul-weynaha Soomaaliya ka durugsan, xeeblayda Soomaaliyeedna manaafacaadsan jireen qarniyo badan. Gabaygu wuxu ka hadlayaa sida, gumeystayaashii, ka sokow kala qaybinta dalkeenna, ayni qaybihii ka xoroobey, helin xornimo taam ah, ee weli hagardaamadii oo si kale loo dhigay weli socoto–Afrika guud ahaanna gumaystayaashii iyagoo qaabkii gumeysiga beddeley, kursiga dal walba gadaal ka fadhiyaan. Wuxu gabaygu ka hadlayaa sida gobannimo doonkii Soomaaliya isu soo dabayaaley, haddana markii dambe labadii qaybood: waqooyi iyo koonfur ee July 01, 1960 ku midoobey Jamhuur...
Read more

Gabaygan waa gabaygii Xaalad By Abwaan Maxamuud Cabdalle

Image
  Xada gabayga waa inaan xardhaa sida xadiiskiiye Xaqa waa inaan daalacshaa xaakim saan ahaye Xurmo aan caddaaladi lahayn xeerka laga waaye Xogta maanta iga dhuuxa  gabay  xaramka suugaanta Oo hayga xaasidin tixdaan Xaalad ugu yeedhay Soomaali waa wada xero iyo xaabo wada taale Xumaanteedu waxay muuqataa hoos xafiiltamide Shisheeyuhu kolkuu kala xidhee xoon ku kala ooday Xayawaan geddiisay cuntaa xaynta ubadkiiye Xawaaray ku socotaa fidnadu Xamar ilaa Shiikhe Ha yeeshee waxaan xaydayaa xiidka igu yeedhshey Xanta Sooshal Miidhiyaha taal oo xakaarka ahe Xaqiraha iyo Xaqiranaha ku xidhan oo xuluushada'e Xuma feydka Soomaalidaa xayada loo diidey Shaydaanku xeedhyaha u dhigay ka xiftay beentiisa Xadhka goyska caar xumihi iyo ceebta xaasibaye Xayl la dirir, xiniinyaha la goo, xuubshey sharaftiisa Xaggii Eebbe ruuxaan deyeyn, cabatin xaaleeya Duul aan xanjeeriba lahayn, oo xabaal nacaye Noloshu u xadhaadhahay walow, Xaakinku irdhaynin Afartaa intaan xa'da ku dhigay, xadhig dhac ...
Read more