Gabayga "Saacaddaa Rogan" By Abwaan Maxamuud Cabdalle



Suubbanoow Siciid gabay aduu saanad kuu yahaye
Adaan seegin maahmaahda iyo sawdka kii wacane

Bal dhegaha u saamici adaan kala sadhaynaynee
Sa'da maanso saan ugu saddahay waaga sibirtiisa
Sifa Aad la yaabtiyo qiso an dunida saamayne
Su'aalaan isweydiinayee maqal sarbeebtaydan
Sumad weeye Madaxweynenimo suurad qarameede
Sumcad aan waqeed loo sinnayn siinad qaaliyahe
Soomaalibaa biiyayoo sawraceed dilaye
Ummadaha wax lagu saacidaa hal ay ku soocmaane
Saldhig dawladnimo iyo midnimo lagu sansaanshaaye
Astaan iyo hoggaan saaxiyoo saayiraad gala'ee
Soomaalibaa bi'isayoo saydhay sharaftaase


Wax waliba sidoodii ma aha saacaddaa rogane
Soomaaliyi sideedii ma aha sawracaa rogane
Sogsog iyo Galoolbaa sinmoo Soolkii baa rogane
Gunbaa sara martoo Gobi sabool saacii baa rogane
Sikhi iyo bakhayl layku sidig siintii baa rogane
Gabyaagii iyo saar tume murmoo siinkii baa rogane
Suqdho iyo Siraad loollamoo siinaddaa rogane
Wejiyaxun ku suurayn fannaan sawdkii baa rogane
Senge iyo Dameer orodki sime seerahaa rogane
Suldaan socoyey Saqandhaa ka tali seeftibaa rogane
Sixin wadale Seenyo iyo Adhi soofkii baa rogane
Caalim samiryey Suufaa fidyoo suuraddaa rogane
Gu'baa surufle Dayrbaa subkale saamahaa rogane
Belaa samo leh nabadbaa sirgaxan saaxigaa rogane
Sanbiille iyo Madaxweyne siman
saanacaa rogane
Dalbaa sumadla' Gobalbaa sifaleh soohdintaa rogane
Ragbaa seexday Dumarbaa sahmiyey saadadaa rogane
Sawaa weeye sulux iyo colaad saamacaa rogane
Wax waliba sidoodii ma aha saacaddaa rogane/e

_______________________________
Nimanyohow bal gabaygaan sawiro sooca unuggisa
Siinley murtiya feleg ku jira saanacyo u doona
Sakrashay hadhow naga ahayd haygu seegina'e
Seed iyo cad sarar weyn ka baxay cudurna saameeyey
Midi uu saliim yahay midina sadho ka hooseeyo
Xidid qudhihi siinaayo dhiig saara godanteeda
Senge Orodka loo saaro oo siibasho u roora
Suubbane baroorkii xarrago socodka googooya 
Oo baqalku siigada ku qayey saara godanteeda
Seenyada gugii curatayee maqasha loo soocay
Candhada aad sibraar mooddid sibirta xaabayso
Een subaxdii reer loo lisayn saara godanteeda 
Saylaha libaaxoo calfaday gool sannado joogey
Oo micida seeddiyo ku jaray sabarka dheeggiisa
Oon dhiig ka siifayn raqdii saara godanteeda
Suldaan magac lagaa oo dadkuna garasho sooraayo
Sayid aan odhaahdiisa badi lagu saluugaynin
Ooy habari sooyaal u dhigi saara godanteeda
Madaxweyne saaniya xilkii qaranka loo saaray
Salli uu ka taliyiyo rugtii lagu sabbaaraayo
Oon sahan dirayn maalin qura saara godanteeda
Ummad luqad sifaysiyo hiddaha aan ku kala soocmin
Sumad diina, suurad iyo muuq aan la kala saarin
Samihii ka soofiyo wanaag saara godanteedaa

By Maxamuud Axmed Cabdalle

Comments

Post a Comment

Popular posts from this blog

Cali Samatar

Image
03/28/2011 “Soomaaliyoo dawladoo qaranku saan qaaday Oo salab dirays ciidanloo nabad ku saacaysa Cali Samatar Calankuu u siday sarow kaceediiye,” Maxamuud Axmed Cabdalla (shiine) Gabaygan wuxuu soo baxay taariikhda kor ku xusan. Gabaygan CALI SAMATAR CALANKUU U SIDEY…waxa tiriyey  Maxamuud Axmed Cabdalla (AL-MAKHIRI). Mudane Cali Samatar oo maanta ah nin da’weyn, waddanka Soomaaliyana ka soo qabtay xilal sare oo wax ku ool ah. Sidaa uguma sii dheeraanayno taariikhda Maxamed Cali Samatar, waxan idiin soo gudbinaynaa gabaygii akhiris iyo dhegeysiba. Waa mahadsan tihiin. HALKAN KA DHEGEYSO GABAYGA: Wuxu yiri: Adduunyadan siyaadada waqtigan sebenka aan joogno Nimba siduu arkuu uga hadlaa saxal wareeggeede Sannahaaban Eebbow xumaan laga salgaadhayne Saqda dhexe maraan xalay hurdada sabarka hayn waayey OO aan sabansabdheeyoo qalbigu sawlax ledi waayey Sifaalooyin ii muuqdaybaa ila silloonaaye Soomaaliyoo dawladoo qaranku saan qaaday Oo salab dirays ciidanlo...
Read more

Gabay Godobtii Baarliin By Abwaan Maxamuud Cabdalle

Image
  Hordhac: Gabayga Godobtii Baarliin iyo Gogol-Xaadh waxa tiriyey  Abwaan  Maxamuud  Axmed  Cabdalle (Abwaan Shiine). Wuxu ku saabsan yahay, hadimadii gumaystayaasha reer Yurub ka galeen dadka Soomaaliyeed Shirkii Baarliin 1884-kii ka qabsoomay, kaa soo geyiga Soomaaliyeed loogu kala qaybiyey 5 qaybood: Italian Somaliland, British Somaliland, NFD, Ogaden, Djibouti, iyo weliba Jasiiradda Socotra oo 80km dhul-weynaha Soomaaliya ka durugsan, xeeblayda Soomaaliyeedna manaafacaadsan jireen qarniyo badan. Gabaygu wuxu ka hadlayaa sida, gumeystayaashii, ka sokow kala qaybinta dalkeenna, ayni qaybihii ka xoroobey, helin xornimo taam ah, ee weli hagardaamadii oo si kale loo dhigay weli socoto–Afrika guud ahaanna gumaystayaashii iyagoo qaabkii gumeysiga beddeley, kursiga dal walba gadaal ka fadhiyaan. Wuxu gabaygu ka hadlayaa sida gobannimo doonkii Soomaaliya isu soo dabayaaley, haddana markii dambe labadii qaybood: waqooyi iyo koonfur ee July 01, 1960 ku midoobey Jamhuur...
Read more

Gabaygan waa gabaygii Xaalad By Abwaan Maxamuud Cabdalle

Image
  Xada gabayga waa inaan xardhaa sida xadiiskiiye Xaqa waa inaan daalacshaa xaakim saan ahaye Xurmo aan caddaaladi lahayn xeerka laga waaye Xogta maanta iga dhuuxa  gabay  xaramka suugaanta Oo hayga xaasidin tixdaan Xaalad ugu yeedhay Soomaali waa wada xero iyo xaabo wada taale Xumaanteedu waxay muuqataa hoos xafiiltamide Shisheeyuhu kolkuu kala xidhee xoon ku kala ooday Xayawaan geddiisay cuntaa xaynta ubadkiiye Xawaaray ku socotaa fidnadu Xamar ilaa Shiikhe Ha yeeshee waxaan xaydayaa xiidka igu yeedhshey Xanta Sooshal Miidhiyaha taal oo xakaarka ahe Xaqiraha iyo Xaqiranaha ku xidhan oo xuluushada'e Xuma feydka Soomaalidaa xayada loo diidey Shaydaanku xeedhyaha u dhigay ka xiftay beentiisa Xadhka goyska caar xumihi iyo ceebta xaasibaye Xayl la dirir, xiniinyaha la goo, xuubshey sharaftiisa Xaggii Eebbe ruuxaan deyeyn, cabatin xaaleeya Duul aan xanjeeriba lahayn, oo xabaal nacaye Noloshu u xadhaadhahay walow, Xaakinku irdhaynin Afartaa intaan xa'da ku dhigay, xadhig dhac ...
Read more